Савет міністраў пастановай №328 ад 12 мая зацвердзіў міжурадавае пагадненне з Азербайджанам аб узаемным прызнанні і абмене вадзіцельскіх пасведчанняў. Яно было падпісана 16 студзеня гэтага года ў Баку.
МЗС даручана паведаміць Азербайджану аб выкананні ўнутрыдзяржаўных працэдур, неабходных для ўступлення пагаднення ў сілу.
У адпаведнасці з дакументам бакі ўзаемна прызнаюць вадзіцельскія пасведчанні, выдадзеныя кампетэнтнымі органамі дзяржаў бакоў. Пагадненнем замацоўваецца права грамадзян дзяржаў бакоў на абмен вадзіцельскіх пасведчанняў без здачы адпаведных тэарэтычных і практычных выпрабаванняў пасля выдачы дазволу на пастаяннае пражыванне.
🔥 Падтрымайце Reform.news данатам!
