Прэзідэнт ЗША Дональд Трамп увёў імпартныя пошліны на беспілотнікі і камплектуючыя для іх. Мера заклікана стымуляваць вытворчасць унутры Злучаных Штатаў.
100% пошліна ўводзіцца на беспілотнікі масай больш за 25 кг і дроны з магчымасцю цеплавізійнай здымкі.
25% пошліна ўводзіцца на дроны меншага памеру, а таксама на камплектуючыя для іх.
Беспілотнікі і камплектуючыя з ЕС, Японіі, Карэі, Швейцарыі і Тайваня будуць абкладацца пошлінай у 15%, а з Вялікабрытаніі – у 10%.
У сваёй заяве Белы дом адзначыў, што праграма ўвядзення тарыфаў на беспілотнікі забяспечыць бяспеку ЗША і іх абароннай і сумежнай з абароннай прамысловай базы, а таксама створыць новыя працоўныя месцы.
У выніку з найбольшымі пошлінамі сутыкнуцца вытворцы беспілотнікаў і камплектуючых з Кітая, якія дамінуюць на гэтым рынку.
Пошліны набудуць моц праз 21 дзень, гэта значыць незадоўга да сустрэчы Трампа і старшыні КНР Сі Цзіньпіна, якая чакаецца 24 верасня.
