Аўтаматычная сістэма пажаратушэння прадухіліла пажар у гандлёвым цэнтры на вуліцы Казіміраўскай у Мінску.
Як паведамілі ў МНС, ноччу ў ГЦ спрацавала пажарная сігналізацыя “Маланка”. Ратавальнікі выехалі на месца.
“Высветлілася, што ў памяшканні дзіцячага забаўляльнага цэнтра на другім паверсе адбылося ўзгаранне дзіцячага электрамабіля. Спрацавала сістэма пажаратушэння, якая ліквідавала ўзгаранне. Ратавальнікі, якія прыбылі, пераканаліся ў бяспецы і адсутнасці рызыкі паўторнага ўзгарання”, – распавялі ў МНС, дадаўшы, што на месца выязджалі дзевяць машын ратавальнікаў.
Пацярпелых няма.
🔥 Падтрымайце Reform.news данатам!