Шырокая грашовая маса вырасла за ліпень усяго на 0,4%, або на 426,1 млн рублёў, да 112,43 млрд рублёў. Для параўнання ў чэрвені прырост грашовай масы склаў 4,8%.
З пачатку года шырокая грашовая маса павялічылася на 9,1%, або амаль на 9,4 млрд рублёў.
Як паведамілі ў Нацбанку, на 1 жніўня аб’ём наяўных грошай у абароце склаў 17,44 млрд рублёў. За месяц ён вырас на 610,3 млн рублёў, а з пачатку года — на 2,95 млрд рублёў.
У ліпені грашовы агрэгат М1 з улікам пераводных дэпазітаў павялічыўся на 114,2 млн рублёў да 40,19 млрд рублёў.
Грашовая маса ў нацыянальным вызначэнні вырасла на 574,6 млн рублёў да 73,28 млрд рублёў.
Рублёвая грашовая маса павялічылася на 335,2 млн рублёў да 76,7 млрд рублёў.
Дэпазіты ў замежнай валюце выраслі за ліпень на 31,8 млн долараў да 12,1 млрд долараў, у тым ліку дэпазіты фізічных асоб знізіліся на 46,6 млн долараў да 4,97 млрд долараў, а дэпазіты юрыдычных асоб выраслі на 78,4 млн долараў да 7,13 млрд долараў.