Банкі ў лютым выдалі фізічным асобам крэдытаў на 1,23 млрд рублёў, што на 150 млн рублёў больш, чым у студзені. У параўнанні з лютым мінулага года аб’ём крэдытавання знізіўся на 9,1%. Такія дадзеныя апублікаваў Нацбанк Беларусі.
Па выніках двух месяцаў аб’ём выдачы крэдытаў фізічным асобам скараціўся на 19,5% да 2,3 млрд рублёў.
Аб’ёмы спажывецкага крэдытавання ў студзені-лютым скараціліся на 22,4% да 1,86 млрд рублёў. Крэдытаванне нерухомасці знізілася на 13,9% да 457,5 млн рублёў.
Запазычанасць фізічных асоб па крэдытах за люты вырасла на 141,4 млн рублёў і склала на 1 лютага 29,92 млрд рублёў. За год даўгі фізічных асоб па крэдытах выраслі на 11,8%.
Даўгі па спажывецкіх крэдытах павялічыліся на 12,7% да 11,78 млрд рублёў, а па крэдытах на нерухомасць — на 11,2% да 18,11 млрд рублёў.
На 1 сакавіка фізічныя асобы пратэрмінавалі крэдыты на 51,8 млн рублёў, што на 1,1 млн рублёў больш, чым па стане на 1 лютага. За год аб’ём пратэрмінаванай запазычанасці вырас на 7,6 млн рублёў.