У Бабруйскім раёне маршрутка перакулілася пасля сутыкнення з дзікай жывёлай, 7 чалавек шпіталізаваныя, паведамляе прэс-служба МНС. ДТЗ адбылося 14 мая каля 21:00 на 8-м кіламетры аўтадарогі Бабруйск — Мазыр паблізу вёскі Лысая Горка.
41-гадовы кіроўца спрабаваў пазбегнуць наезду на дзікую жывёлу, аднак не справіўся з кіраваннем, і маршрутнае таксі Citroën Jumper перакулілася.
Адзін з пасажыраў апынуўся заблакаваны пашкоджанымі канструкцыямі аўтамабіля. Ратавальнікі дэблакавалі яго з дапамогай спецыяльнага інструмента і перадалі медыкам. У медустанову для агляду дастаўленыя 11 чалавек, сямёра з іх шпіталізаваныя.
На месцы здарэння працавалі супрацоўнікі ДАІ, МНС і хуткай дапамогі. Па факце ДТЗ праводзіцца праверка, паведамляе УУС Магілёўскага аблвыканкама.
Відэа: t.me/mchs112by