Беларускі экспарт тавараў і паслуг у Кітай павінен да 2030 года вырасці да 4 млрд долараў. Гэта прадугледжана дырэктывай №9(2026) ад 12 мая “Аб практычным напаўненні ўсепагоднага і ўсебаковага стратэгічнага партнёрства Рэспублікі Беларусь з Кітайскай Народнай Рэспублікай”, якая сёння апублікавана на Нацыянальным прававым інтэрнэт-партале. Пры гэтым аб’ём прамых кітайскіх інвестыцый у Беларусь павінен складаць не менш за 500 млн долараў за год. У адпаведнасці з дырэктывай, штогод будуць фармавацца планы экспарту ў КНР.
Дакументам прадпісана арганізаваць стварэнне сумесных вытворчасцяў з кітайскімі партнёрамі, заключэнне ліцэнзійных пагадненняў і ўвод у эксплуатацыю вытворчасці трактароў, кар’ернай тэхнікі, забяспечыць штогадовыя пастаўкі, пачынаючы з 2029 года, гусенічных і колавых трактароў на аснове трактаракамплектаў — не менш за 1000 адзінак, самазвалаў на аснове машынакамплектаў — не менш за 100 адзінак.
Да канца 2030 года на базе трактара МТЗ павінна быць створана “разумная тэхніка з выкарыстаннем кітайскіх беспілотных тэхналогій”. Таксама ў гэтыя тэрміны павінны быць рэалізаваныя не менш за 10 сумесных інвестпраектаў у галіне аўтамабілебудавання, укаранёны ў вытворчасць наступныя тэхналогіі: электрамеханічная трансмісія, бесступеньчатая трансмісія і назапашвальнікі энергіі для транспарту, МІМ-тэхналогіі (метад металапарашковага ліцця) пры вытворчасці дэталяў складанай геаметрыі для электроннай прамысловасці, аўтамабілебудавання і іншых сфер, трансфарматары высокага класа энергаэфектыўнасці.
Дырэктывай прадугледжана стварэнне сумеснай вытворчасці станцыйнага абсталявання GPON, абаненцкіх тэрміналаў, модуляў 4G/5G для прылад сувязі і базавых станцый, а таксама цэнтра ў галіне прымянення штучнага інтэлекту.
Мінсельгасхарч і “Белдзяржхарчпрам” разам з аблвыканкамамі павінны штогод нарошчваць экспарт харчавання ў Кітай на 15% і дасягнуць яго аб’ёму ў 900 млн долараў. Таксама ў дакуменце прапісана стварэнне 45 га аўтаматызаваных цяплічных комплексаў 4-5 пакалення.
“Белнафтахім” павінен з прыцягненнем кітайскіх тэхналогій і капіталу да канца 2030 года пабудаваць комплекс вытворчасці поліпрапілену, двухкамерную печ піролізу, комплекс па вытворчасці хларату натрыю і перакісу вадароду.
“Беллесбумпраму” пастаўлена задача нарошчваць экспарт на 5% штогод і дасягнуць аб’ёму ў 380 млн долараў у 2030 годзе.
Экспарт “Беллегпрама” ў Кітай павінен расці на 10% штогод і дасягнуць аб’ёму ў 50 млн долараў.
Перад Мінэнерга пастаўлена задача да 2030 года павялічыць пастаўкі торфу ў КНР да 16 млн долараў, а таксама пабудаваць 55 га сучасных цяпліц.
Экспарт транспартных паслуг у КНР павінен вырасці да 700 млн долараў. Мінтранс таксама павінен забяспечыць пашырэнне маршрутнай сеткі “Белавія” ў 6 гарадоў КНР.
Дырэктыва таксама змяшчае паказчыкі ў сферы адукацыі, культуры, турызму і інш.
Акрамя таго, яна прадугледжвае з’яўленне прадстаўніка Дзяржкамваенпрама пры пасольстве ў Пекіне. МЗС павінен да 2028 года адкрыць Генконсульства ў адным з паўночных рэгіёнаў КНР. Таксама міністэрства павінна прапрацаваць з кітайскім бокам пытанне аб павышэнні статусу беларуска-кітайскіх адносін і не пазней за 2027 год дакументальна.
