Пасольства Беларусі на Кубе папярэджвае беларускіх турыстаў, што вылеты на востраў прыпынены на нявызначаны тэрмін.
Беларускім турыстам, якія знаходзяцца на Кубе, рэкамендуецца планаваць сваё вяртанне ў адпаведнасці з графікам, які публікуюць авіякампаніі.
Беларусы могуць пакінуць Кубу на вывазных рэйсах авіякампаніі «Россия» FV6928 Варадэра-Масква 12, 14, 17, 19, 21 лютага і FV6850 Гавана-Масква 16 лютага, а таксама на рэйсах авіякампаніі «Nordwind» Варадэра-Масква 12, 14, 18 лютага і Ольгін-Масква 12 лютага.
Авіякампаніі пакуль не пацвярджаюць магчымыя вылеты ў больш познія даты.
Пры ўзнікненні пазаштатнай сітуацыі беларусы могуць звязацца з авіякампаніяй або звярнуцца ў консульскі аддзел беларускага пасольства па тэл. +53 52850307.
На Кубе ўзнік дэфіцыт паліва пасля таго, як ЗША ўвялі дадатковыя пошліны ў дачыненні да краін, якія пастаўляюць нафту Кубе. 8 лютага ўлады Кубы папярэдзілі замежныя авіякампаніі, што не змогуць запраўляць самалёты.
