Урад Беларусі будзе змагацца з няякасным імпартам і працягне рэгуляваць цэны. Пра гэта на сустрэчы з прадпрымальнікамі ў сераду заявіў прэм’ер-міністр краіны Аляксандр Турчын.
“Урад будзе прымаць усе меры для стымулявання ўласнага вытворцы, а не для абмежавання імпарту. Але барацьба з няякасным імпартам будзе толькі ўзмацняцца, гэта я кажу адкрыта. Мы павінны забяспечыць на сваім рынку сумленную і справядлівую канкурэнцыю і абараняць нашага спажыўца ад няякаснага імпарту. У гэтым напрамку ўрад будзе прымаць самыя жорсткія меры”, – сказаў ён, перадае БелТА.
Падчас сустрэчы таксама ўздымалася тэма рэгулявання цэн. Нядаўна ўрад значна скараціў пералік рэгуляваных пазіцый. Аднак маніторынг цэн вядзецца, і, пры неабходнасці, пералік можа быць пашыраны. Турчын прапанаваў бізнесу не дапускаць такога.
“Мы спадзяёмся на адказнасць бізнесу. Давайце дзейнічаць справядліва. Трэба суадносіць жаданне атрымаць прыбытак і разумныя падыходы да цэн. Нам вельмі не хацелася б нейкія пазіцыі вяртаць назад”, – сказаў ён.
