У Мінску затрыманы 25-гадовы замежнік. Мужчыну абвінавачваюць у махлярстве. Паводле версіі міліцыі, ён пабудаваў фінансавую піраміду.
На працягу двух гадоў падазраваны прыцягнуў ад грамадзян Беларусі, Расіі і Грузіі, якія пражываюць у Мінску, 750 тыс. долараў. Грошы ён браў для развіцця гандлю папулярнай тэхнікай. Мужчына абяцаў выплаты з працэнтамі. Узятыя на сябе абавязацельствы не выконваў.
“Грошы траціў на пластычныя аперацыі жонцы, адпачынак на дарагіх курортах, пералёты бізнес-класам, пражыванне ў люксавых гатэлях, куплю ювелірных упрыгожанняў, брэндавых рэчаў і тэхнікі, наведванне забаўляльных устаноў і рэстаранаў”, — расказалі ў МУС.
Узбуджаная крымінальная справа па артыкуле за махлярства ў асабліва буйным памеры.
🔥 Падтрымайце Reform.news данатам!