Белстат апублікаваў звесткі аб фінансавых выніках працы арганізацый за студзень-сакавік 2026 года. Першы квартал прадпрыемствы закончылі са зніжэннем чыстага прыбытку.
У аператыўную справаздачу Белстата не ўключаюцца банкі, НКФА, страхавыя, бюджэтныя арганізацыі і арганізацыі без ведамаснай справаздачнасці з колькасцю менш за 50 чалавек.
У студзені-сакавіку выручка арганізацый павялічылася на 5,5% да амаль 135,17 млрд рублёў. У сакавіку яна склала каля 50 млрд рублёў, што на 7,5 млрд больш, чым у лютым.
Сабекошт рэалізаванай прадукцыі вырас на 5,3% да 112 млрд рублёў.
Чысты прыбытак знізіўся на 7,5% да 4,68 млрд рублёў. У сакавіку ён склаў 1,9 млрд рублёў.
Рэнтабельнасць продажаў склала 6,1%, або на 0,1 п.п. менш, чым у студзені-сакавіку 2025 года.
Стратнымі ў студзені-сакавіку былі 2244 арганізацыі, што на 34,8% больш, чым за аналагічны перыяд мінулага года.
Дэбіторская запазычанасць на 1 красавіка склала 105,2 млрд рублёў. За сакавік яна вырасла на 2,1 млрд рублёў, а з пачатку года скарацілася — на 0,4%.
Аб’ём крэдыторскай запазычанасці ў сакавіку вырас на 5,1 млрд рублёў да 126,1 млрд рублёў, з пачатку года ён вырас на 1,8%.
Даўгі па крэдытах і пазыках з пачатку года выраслі на 1,9% да 144,84 млрд рублёў.