У Гродзенскай і Брэсцкай абласцях 11-13 жніўня праводзяцца тактыка-спецыяльныя вучэнні з сіламі і сродкамі разведкі, радыёэлектроннай барацьбы, агнявога паражэння і супрацьпаветранай абароны Заходняга аператыўнага камандавання, паведамляе Мінабароны.
На вучэннях адпрацоўваюцца пытанні кіравання сіламі і сродкамі разведкі, РЭБ, агнявога паражэння і СПА. Упор зроблены на аўтаматызацыю працэсаў кіравання ва ўмовах актыўнага супрацьдзеяння беспілотнай авіяцыі. Праводзяцца палявыя выпрабаванні станцый радыёлакацыйнай разведкі.
«Асноўная мэта вучэння — удасканаленне новых спосабаў вядзення разведкі. Кожны дзень удасканальваюцца тактычныя прыёмы і спосабы агнявога паражэння. Таму новыя напрацоўкі мы правяраем на практыцы.
Асноўны ўпор робім, перш за ўсё, на комплексаванні сіл і сродкаў усіх відаў разведкі, беспілотнай авіяцыі, радыёэлектроннай барацьбы. У выніку час на паражэнне аб’екта скарачаецца да мінімуму», — заявіў начальнік штаба — першы намеснік камандуючага войскамі Заходняга аператыўнага камандавання генерал-маёр Аляксандр Лаўрэнаў.
Вучэнне пацвердзіла важнасць аўтаматызацыі працэсаў і прымянення штучнага інтэлекту, падкрэсліў Лаўрэнаў.
«Разгорнутая сістэма кіравання ў поўным аб’ёме адпавядае сучасным патрабаванням і дазваляе эфектыўна кіраваць усімі задзейнічанымі сіламі і сродкамі», — адзначыў ён.
