Асабісты ўрач Аляксандра Лукашэнкі Алена Казак стала ўладальніцай кампаніі “Лігматон”, якая кіруе сеткай аптэк. Пра гэта паведамляе “Бюро”.
Раней кампаніяй валодалі Георгій Тапузідзіс і яго маці Галіна Пятровіч. Георгій Тапузідзіс – сын бізнесмена Паўла Тапузідзіса, уладальніка “Тытунь-Інвеста” і рознічнай сеткі “Карона”.
Паводле інфармацыі “Бюро”, Алена Казак была працаўладкавана ў кампаніі з ліпеня 2024 года. Першапачаткова новая ўладальніца была пазначана ў даных кампаніі як Алена Уладзіміраўна Казак. У перыяд паміж лютым 2025 года і жніўнем 2026 года Алена Казак ператварылася з Уладзіміраўны ў Георгіеўну.
“Пры гэтым запіс аб структурных зменах кампаніі не ўносіўся, а мяркуючы па актуальнай выпісцы, менавіта асабісты ўрач Лукашэнкі валодае аптэкамі «Лігматон» са жніўня 2024 года. Дырэктаркай фірмы, як і раней, засталася Галіна Пятровіч, маці Георгія Тапузідзіса”, – адзначылі ў Бюро.
Кампанія “Лігматон” не толькі кіруе аптэкамі, але і ўдзельнічае ў дзяржаўных тэндарах на пастаўку розных медыкаментаў. Выданне высветліла, што выручка кампаніі ў 2025 годзе склала 83,6 мільёна рублёў, а чысты прыбытак 2,79 мільёна.
