Экспарт беларускіх інвестыцыйных тавараў у студзені-чэрвені вырас на 0,6% да 2 млрд долараў. На гэта ўказваюць даныя Белстата. Раней на працягу першых чатырох месяцаў года ён скарачаўся.
Імпарт інвестыцыйных тавараў у студзені-чэрвені вырас на 12,6% да 2,6 млрд долараў.
Гандаль прамежкавымі таварамі таксама расце. Экспарт за паўгода вырас на 26,9% да 11,79 млрд долараў, а імпарт — на 17,4% да 14,39 млрд долараў.
Экспарт спажывецкіх тавараў у студзені-чэрвені вырас на 29,4% да 8,49 млрд долараў, у тым ліку харчавання — на 28,3% да 4,68 млрд долараў, а нехарчовых тавараў — на 30,8% да 3,81 млрд долараў.
Імпарт спажывецкіх тавараў павялічыўся ў першым паўгоддзі на 24,8% да 9,02 млрд долараў, у тым ліку імпарт харчавання — на 23,5% да 2,38 млрд долараў, а нехарчовых тавараў — на 25,3% да 6,65 млрд долараў.