Былы міністр абароны Расіі Сяргей Іваноў памёр 26 чэрвеня ва ўзросце 73 гадоў. Пра смерць паведаміла прэс-служба баскетбольнай Адзінай лігі ВТБ, ганаровым прэзідэнтам якой ён быў.
Іваноў — адзін з паплечнікаў Пуціна, з якім працаваў яшчэ ў ФСБ у канцы 1990-х гадоў. З 2001 па 2007 год займаў пасаду міністра абароны Расіі, пасля быў першым віцэ-прэм’ерам урада, а з 2011 па 2016 год кіраваў Адміністрацыяй прэзідэнта. Некаторы час лічыўся адным з верагодных пераемнікаў Пуціна на прэзідэнцкіх выбарах 2008 года, аднак пасаду заняў Дзмітрый Мядзведзеў. У апошнія гады займаў пасаду спецыяльнага прадстаўніка прэзідэнта па пытаннях экалогіі і транспарту.
Іваноў знаходзіўся пад персанальнымі санкцыямі Еўрасаюза, Вялікабрытаніі, ЗША і шэрагу іншых краін у сувязі з анексіяй Крыма і ўварваннем Расіі ва Украіну.
