Міністэрства энергетыкі прыняло меры па абмежаванні рэжымаў працы сістэм цеплазабеспячэння ў перыяды моцных замаразкаў. На такі крок міністэрства пайшло пасля заўвагі Аляксандра Лукашэнкі, які заявіў, што тэмпературы +20°C дастаткова для кватэр.
«Дадаткова Мінэнерга, па даручэнні Прэзідэнта, прыняты меры па абмежаванні рэжымаў працы сістэм цеплазабеспячэння ў перыяды моцных замаразкаў для таго, каб забяспечыць іх запас трываласці і не дапускаць падобных сітуацый у будучыні», — заявіў міністр энергетыкі Дзяніс Мароз, каментуючы прарыў цеплатрасы ў Мінску.
Нагадаем, Лукашэнка сёння заявіў, што ў кватэрах не павінна быць +25°C узімку.
«Але калі б не 100 градусаў або 90 вада ў трубах была і ціск меншы, а 80, але ціск меншы. Ну, крыху прахаладней было б у пакоі. Не 25, як у нас і ў вас прывыклі, а 20 градусаў дастаткова ў доме. Я не ведаю, як у вас, у мяне так і тут, і дома прахалодна, і гэта цудоўна», — сказаў ён.
