Міністр замежных спраў Беларусі Максім Рыжанкоў пачаў візіт у Кыргызстан. Ён сустрэўся з міністрам замежных спраў краіны Жээнбекам Кулубаевым.
Як паведамілі ў МЗС Кыргызстана, бакі абмеркавалі двухбаковы парадак дня, уключаючы прыярытэтныя напрамкі супрацоўніцтва ў палітычнай, гандлёва-эканамічнай і культурна-гуманітарнай сферах. Таксама быў прааналізаваны ход рэалізацыі раней дасягнутых дамоўленасцяў.
Міністры ўдакладнілі графік будучых мерапрыемстваў, у тым ліку правядзенне чарговага пасяджэння сумеснай міжурадавай камісіі, а па лініі знешнепалітычных ведамстваў — арганізацыю чарговых міжміністэрскіх кансультацый.
Частка перамоў была прысвечаная ўзаемадзеянню ў міжнародных арганізацыях. Рыжанкоў павіншаваў калегу з уключэннем Кыргызстана ў склад Савета Бяспекі ААН у якасці непастаяннага члена.
Напрыканцы сустрэчы беларускі міністр запрасіў свайго кыргызскага калегу наведаць Беларусь.
