У Беларусі завялі крымінальную справу на кіраўніцтва аднаго з найбуйнейшых таксапаркаў краіны. Абвінавачанні датычацца ўхілення ад уплаты падаткаў. Пра гэта паведамілі ў прэс-службе МУС. У таксапарку налічваецца больш за 800 кіроўцаў.
“Дырэктар, ён жа ўладальнік фірмы-перавозчыка, а таксама яго памочнік у 2024–2025 гг. ухіляліся ад уплаты падаткаў шляхам выдачы кіроўцам зарплаты “ў канвертах” пад выглядам кампенсацыі за выкарыстоўваемыя транспартныя сродкі і выдаткаў на “гаспадарчыя патрэбы”. Пры гэтым падаткаабкладаемая база заніжалася фіктыўным павелічэннем выдаткаў на запраўку аўтамабіляў палівам”, — выклала версію следства прэс-служба МУС.
Паводле яе інфармацыі, садзейнічанне падазраваным аказвалі чацвёра менеджараў і галоўны бухгалтар арганізацыі.
“Агульная сума неўплачаных падаткаў склала без малога 800 тысяч рублёў. Абнаяўленая звышпрыбытак трацілася на набыццё нерухомасці”, — дадалі ў МУС.
На маёмасць фігурантаў накладзены арышт. Крымінальная справа расследуецца па артыкуле за ўхіленне ад выканання абавязкаў падатковага агента.
