Галоўнае ўпраўленне разведкі Украіны апісала схему паставак паліва з Індыі ў Расію. Паводле версіі ўкраінскага боку, у ёй задзейнічаныя судны ценявога флоту.
У паведамленні ідзе гаворка пра пастаўку ад індыйскай кампаніі Nayara Energy, 49,13% акцый якой належыць «Раснафце».
20 чэрвеня танкер ценявога флоту Agni загрузіў 67,5 тыс. т нафтапрадуктаў ад Nayara Energy і накіраваўся ў Міжземнае мора, дзе на захад ад Порт-Саіда сустрэўся з іншым танкерам ценявога флоту Garnet. Была праведзена перагрузка нафтапрадуктаў з аднаго судна на іншае.
Пасля аперацыі Garnet працягнуў шлях, пазначыўшы, што ідзе ў баласце, хоць гэта не адпавядала рэчаіснасці. Танкер ужо прайшоў Гібралтарскі праліў. Афіцыйна ён трымае курс у порт Віціна ў Белым моры або ў адзін з партоў Балтыйскага мора.
Паводле версіі ГУР, Garnet належыць сэйшэльскай кампаніі Shantal Navigation, якая, у сваю чаргу, звязаная з расійскім «Саўкамфлотам».
