Беларускія праваабаронцы прызналі палітычнымі зняволенымі яшчэ сем чалавек. Гэта Алена Свірыдзенка, Ігар Свірыдзенка, Павел Кучэрын, Аляксандр Пелеш, Аляксей Ігнаценка, Яўген Цімашук і Аляксей Рамасюк, паведамляе праваабарончы цэнтр «Вясна».
Алена Свірыдзенка змешчана пад варту па абвінавачанні ў «закліках да незаконных дзеянняў, накіраваных на прычыненне шкоды нацыянальным інтарэсам Рэспублікі Беларусь» паводле арт. 361 Крымінальнага кодэкса;
Ігар Свірыдзенка змешчаны пад варту па абвінавачанні ў «закліках да незаконных дзеянняў, накіраваных на прычыненне шкоды нацыянальным інтарэсам Рэспублікі Беларусь» паводле арт. 361 Крымінальнага кодэкса;
Павел Кучэрын змешчаны пад варту па абвінавачанні ў абразе А. Лукашэнкі паводле арт. 368 КК;
Аляксандр Пелеш асуджаны па абвінавачанні ў здзеку з дзяржаўных сімвалаў, абразе прадстаўніка ўлады, суддзі і А. Лукашэнкі, распальванні варожасці або варажнечы паводле арт. 368, 130, 391, 370, 369 КК да шасці гадоў пазбаўлення волі ў папраўчай калоніі;
Аляксей Ігнаценка асуджаны па абвінавачанні ў абразе прадстаўніка ўлады і А. Лукашэнкі да двух гадоў і 6 месяцаў абмежавання волі з накіраваннем ва ўстанову адкрытага тыпу, адбывае пакаранне;
Яўген Цімашук асуджаны па абвінавачанні ў абразе А. Лукашэнкі да двух гадоў абмежавання волі з накіраваннем ва ўстанову адкрытага тыпу, адбывае пакаранне.
Аляксей Рамасюк асуджаны на 4 гады пазбаўлення волі паводле артыкула аб масавых беспарадках (арт. 293 КК).
На 13 ліпеня палітычнымі зняволенымі ў Беларусі прызнаныя 860 чалавек.
