Святлана Ціханоўская бярэ ўдзел у Канферэнцыі па аднаўленні Украіны, якая 25–26 чэрвеня праходзіць у Гданьску.
Мерапрыемства сабрала прадстаўнікоў Украіны і еўрапейскіх лідараў. Яно прысвечана пытанням пасляваеннага аднаўлення краіны і аб’ядноўвае палітыкаў і бізнес.
Гаспадаром канферэнцыі выступае прэм’ер-міністр Дональд Туск. Украінскую дэлегацыю ўзначальвае прэм’ер-міністр Юлія Свірыдзенка. Прэзідэнт Украіны Уладзімір Зяленскі не прыехаў у Гданьск на фоне праблем у польска-ўкраінскіх адносінах, якія ўзніклі пасля прысваення аднаму з падраздзяленняў імя «Герояў УПА», што выклікала рэзкую рэакцыю ў Польшчы, у прыватнасці прэзідэнт краіны Караль Наўроцкі пазбавіў Зяленскага Ордэна Белага арла.
Таксама сярод удзельнікаў канферэнцыі старшыня Еўрапейскага савета Антоніу Кошта, кіраўніца Еўракамісіі Урсула фон дэр Ляен, канцлер Германіі Фрыдрых Мерц, прэзідэнт Літвы Гітанас Наўседа, кіраўнікі ўрадаў і лідары іншых краін ЕС.
