Беларускія мытнікі выявілі буйную партыю незадэклараваных тавараў коштам больш за 1 млн рублёў, увезеных на тэрыторыю краіны з парушэннем мытнага заканадаўства.
Парушэнне было выяўлена супрацоўнікамі Аператыўнай мытні падчас спецыяльных мерапрыемстваў. Пры аглядзе грузавога аўтамабіля ў пункце мытнага афармлення «Мінск-ТЛЦ-2» яны знайшлі звыш 85 тысяч адзінак тавараў замежнай вытворчасці: аўтазапчасткі, масажоры, гіпербарычныя кіслародныя камеры і дзіцячыя цацкі.
Тавары былі ўвезены на тэрыторыю Еўразійскага эканамічнага саюза без абавязковага дэкларавання, паведамляе ДМК.
У дачыненні да казахстанскага дэкларанта распачаты адміністрацыйны працэс. Яму пагражае штраф у памеры 30% ад кошту прадметаў адміністрацыйнага правапарушэння.
🔥 Падтрымайце Reform.news данатам!