20 чэрвеня ў Баку (Азербайджан) загінуў грамадзянін Беларусі, які працаваў у будаўнічай кампаніі. Яшчэ адзін беларус быў шпіталізаваны.
«Каля 15.00 20 чэрвеня ў Азербайджане падчас правядзення будаўнічых работ у Баку ў інтарэсах мясцовай будаўнічай кампаніі ў выніку падзення з вышкі загінуў грамадзянін Беларусі, пацярпеў і быў змешчаны ў бальніцу іншы грамадзянін Беларусі», — паведамляе МЗС Беларусі.
Сваякі і давераная асоба загінулага звярнуліся ў пасольства Беларусі ў Азербайджане. Дыпламаты аказалі садзейнічанне ў афармленні неабходных дакументаў ва ўзмоцнена сціслыя тэрміны і ў хадайніцтве перад мясцовымі кампетэнтнымі органамі Азербайджана аб садзейнічанні ў рэпатрыяцыі цела.
🔥 Падтрымайце Reform.news данатам!
