Золатавалютныя рэзервы Беларусі на 1 жніўня склалі 14,19 млрд долараў. За ліпень яны выраслі на 36,9 млн долараў. Такія даныя апублікаваў Нацыянальны банк Беларусі.
Прырост ЗВР быў забяспечаны за кошт павелічэння рэзерваў у замежнай валюце. Яны выраслі на 35,3 млн долараў — да 5,809 млрд долараў. Кошт спецыяльных правоў запазычання павялічыўся на 3 млн долараў — да 1,4 млрд долараў, а манетарнага золата — зменшыўся на 1,4 млн долараў — да 6,98 млрд долараў. Аб’ём рэзервовай пазіцыі ў МВФ і іншых актываў — 0,03 млн долараў і 0,1 млн долараў адпаведна — не змяніўся.
З пачатку года ЗВР скараціліся на 230,3 млн долараў. Пры гэтым кошт золата зменшыўся на 487,3 млн долараў, кошт СПЗ — на 11,1 млн долараў, а рэзервовыя актывы ў замежнай валюце выраслі на 268,2 млн долараў.
