Прэзідэнт Украіны Уладзімір Зяленскі заявіў пра незвычайную актыўнасць на ўчастках мяжы Украіны з Беларуссю, зафіксаваную напярэдадні з боку беларускай тэрыторыі.
“Напярэдадні назіралася даволі незвычайная актыўнасць на ўчастках мяжы Украіны і Беларусі – з боку Беларусі. Мы ўважліва фіксуем і кантралюем усё і, калі спатрэбіцца, будзем рэагаваць. Украіна гатова абараняць сваіх людзей, свой суверэнітэт, і гэта павінен разумець кожны, каго спрабуюць уцягнуць у якія-небудзь агрэсіўныя дзеянні супраць Украіны”, – падкрэсліў ён.
Украінскі лідар таксама паведаміў пра падрыхтоўку некалькіх санкцыйных пакетаў — на сёння і на бліжэйшы час.
“Мы працягваем нашу працу з партнёрамі – у Еўропе, на Блізкім Усходзе, у Персідскім заліве, у іншых частках свету – з усімі, хто здольны ўзмацніць украінскую супрацьпаветраную абарону і забяспечыць Украіне больш эканамічнай сілы. Мы чакаем ад перамоў у маі важкіх вынікаў”, – адзначыў ён.
Паводле слоў Зяленскага, сёння ён размаўляў з прэм’ер-міністрам Славакіі Робертам Фіца.
“Нам патрэбныя трывалыя адносіны паміж нашымі краінамі, і мы абодва зацікаўлены ў гэтым. Было важна пачуць, што Славакія падтрымлівае членства Украіны ў Еўрапейскім саюзе і гатова падзяліцца сваім досведам уступлення. Запрасіў спадара прэм’ер-міністра з візітам у Кіеў і падзякаваў за яго запрашэнне прыехаць у Браціславу. Абмеркавалі таксама магчымасць асабіста сустрэцца ў бліжэйшы час. Нашы каманды прапрацуюць графік”, – праінфармаваў прэзідэнт Украіны.
