Следчы камітэт прад’явіў абвінавачанне «аднаму з кіраўнікоў дзяржаўнага прадпрыемства ў галіне машынабудавання». Назва прадпрыемства не ўдакладняецца.
Паводле версіі следства, 63-гадовы мужчына атрымліваў грошы і іншую маёмасць ад прадстаўніка замежных камерцыйных кампаній. Сродкі прызначаліся за «садзейнічанне ў заключэнні і выкананні дагавораў на пастаўку таварна-матэрыяльных каштоўнасцей, арганізацыю прыёму і размяшчэння ва ўмовах абмежаваных тэхнічных магчымасцей на складах арганізацыі металапрадукцыі з мэтай забеспячэння яе наступнай аплаты прадпрыемствам».
У якасці хабару мужчына, у тым ліку, атрымаў два дарагія аўтамабілі Audi. Агульная сума даходу, атрыманага злачынным шляхам, склала больш за 200 тыс. рублёў. Забяспечана пакрыццё злачыннага даходу на суму больш за 260 тыс. рублёў. На маёмасць абвінавачанага накладзены арышт на суму больш за 1 млн рублёў.