ЗША і Іран адновяць перамовы ў панядзелак. Пра гэта заявіў прэзідэнт ЗША Дональд Трамп.
«Цяпер мы вядзём з імі перамовы. Яны пачнуцца заўтра ўдзень, і мы паглядзім, ці праўда гэта», — сказаў ён на борце свайго самалёта.
Паводле слоў Трампа, саюзнікі з Персідскага заліва, уключаючы Саудаўскую Аравію, ААЭ і Катар, папрасілі яго адмяніць магутны ўдар па Іране.
«Цяпер прыкладна ў гэты час гэта быў бы масіраваны ўдар. Мы ўсе гатовыя да ўдару. Але калі саюзнікі просяць адмяніць яго, вы павінны сказаць: ну, паглядзім. І прычына, па якой яны папрасілі, заключаецца ў тым, што яны лічаць, што ёсць здзелка. Ёсць здзелка па Армузе, а затым будзе здзелка па ядзерным… або вы можаце назваць гэта дэнуклеарызацыяй Ірана. Я называю гэта дэнуклеарызацыяй Ірана», — сказаў ён.
Трамп таксама падкрэсліў, што ЗША былі гатовыя нанесці па Іране ўдар, самы магутны з часоў Другой сусветнай вайны, які стаў бы для Тэгерана катастрофай.
