Прэзідэнт Украіны Уладзімір Зяленскі у інтэрв’ю France 2 назваў памер страт украінскай арміі. Паводле яго слоў, загінула каля 55 тыс. чалавек.
“Афіцыйна на полі бою колькасць загінулых салдат складае 55 тыс.”, — сказаў ён, дадаўшы, што яшчэ шмат людзей лічацца зніклымі без вестак.
Зяленскі таксама падкрэсліў, што вайна з’яўляецца для Украіны пытаннем выжывання. Ён лічыць, што калі Кіеў пацерпіць паражэнне, то Масква працягне рух далей у Еўропу. Прэзідэнт Украіны пры гэтым разлічвае на завяршэнне канфлікту дыпламатычным шляхам.
“Я спадзяюся, што мір будзе дасягнуты менш чым праз год”, — адзначыў ён.
Прэзідэнт Украіны таксама заявіў, што замарозка па лініі фронту ўжо з’яўляецца вялікай саступкай для РФ, чыя армія мае патрэбу ў перадышцы. Ён дадаў, што захоп астатняй часткі Данбаса хутка не адбудзецца.
«На гэта ім спатрэбіцца як мінімум два гады, пры вельмі павольным прасоўванні. На мой погляд, яны так доўга не вытрымаюць», — дадаў ён.
Паводле яго слоў, Пуцін лічыць адзіным лідарам прэзідэнта ЗША Дональда Трампа. Ён баіцца яго. Зяленскі падкрэсліў, што ў Трампа ёсць рычагі ціску на расійскага прэзідэнта: ад санкцый да паставак дадатковай зброі Кіеву.
Прэзідэнт Украіны таксама падкрэсліў, што ў выпадку замарозкі канфлікту па лініі фронту паміж расійскімі і ўкраінскімі войскамі павінны знаходзіцца міратворцы.
