Украіна адрэагавала на заяву Мінабароны РФ аб перамір’і 8-9 мая і абвясціла рэжым цішыні з 6 мая. Уладзімір Зяленскі падкрэсліў, што расійскі бок не звяртаўся да ўкраінскага па пытанні аб спыненні баявых дзеянняў.
Зяленскі заявіў, што Украіна будзе дзейнічаць люстэркава, пачынаючы з 6 мая.
«На сённяшні дзень не было ніводнага афіцыйнага звароту да Украіны адносна мадальнасці спынення баявых дзеянняў, пра якую заяўляецца ў расійскіх сацыяльных сетках. Мы лічым, што чалавечае жыццё з’яўляецца несувымерна большай каштоўнасцю, чым «святкаванне» любой гадавіны.
У сувязі з гэтым абвяшчаем аб рэжыме цішыні, пачынаючы з 00:00 у ноч з 5 на 6 мая. За час, які ёсць да гэтага моманту, рэальна забяспечыць надыход цішыні. Будзем дзейнічаць люстэркава, пачынаючы з названага моманту. Настаў час расійскаму кіраўніцтву рабіць рэальныя крокі для завяршэння іх вайны, калі ўжо расійскае міністэрства абароны лічыць, што не зможа правесці парад у Маскве без добрай волі Украіны», — заявіў Зяленскі.
Нагадаем, Мінабароны РФ у аднабаковым парадку абвясціла аб перамір’і 8-9 мая для святкавання Дня Перамогі. Адначасова Расія пагражае масіраваным ударам па Кіеве ў выпадку спробаў зрыву святкавання і рэкамендавала жыхарам Кіева і дыпламатам пакінуць горад.
