У Жодзіне дамы ноччу заставаліся без цяпла з-за аварыі

У Жодзіне ўвечары ў чацвер адбылася аварыя на цеплавой магістралі дыяметрам 259 мм. Як паведамілі ў «Мінскэнерга», адбыўся прарыў з выкідам вады.

«У выніку аварыі часова адключаны ад ацяплення і гарачага водазабеспячэння частка жылых дамоў па вуліцах Ціміразева, Венісье, Навуковая, а таксама дзіцячы сад №8, размешчаны па адрасе вуліца Ціміразева, 1», — паведамлялі ў «Мінскэнерга».

У 0:30 быў выяўлены пашкоджаны ўчастак. Рамонтныя брыгады прыступілі да ліквідацыі аварыі.

У 5:25 пачалося запаўненне сістэмы цеплазабеспячэння. Да 7:30 яно было завершана, усе спажыўцы зноў атрымліваюць цяпло.