У Міністэрстве антыманапольнага рэгулявання і гандлю пад старшынствам намесніка міністра Святланы Караткевіч прайшла дыялогавая пляцоўка па сумеснай працы вытворцаў, інтэрнэт-пляцовак і інтэрнэт-крам для прасоўвання беларускіх тавараў у сетцы.
Як паведамілі ў ведамстве, мерапрыемства сабрала больш за 150 прадстаўнікоў дзяржорганаў, канцэрнаў, вытворцаў, дылераў і ўладальнікаў анлайн-платформаў.
Удзельнікі абмеркавалі якасць прадукцыі і адпаведнасць тэхнічным рэгламентам, досвед супрацоўніцтва лёгкай прамысловасці з анлайн-пляцоўкамі, магчымасці маркетплэйсаў для беларускіх вытворцаў. Прадстаўніца «Белпошты» расказала пра праект па стварэнні айчыннага маркетплэйса Postmarket.by, прадстаўніца БелГПП прэзентавала праект «Зроблена ў Беларусі». Супрацоўнікі МАРГ растлумачылі правілы рэгулявання лічбавых платформаў і абароны правоў спажыўцоў пры анлайн-пакупках.