Аляксандр Лукашэнка падпісаў указ аб занясенні на Рэспубліканскую дошку гонару пераможцаў спаборніцтваў за 2021–2025 гады і 2025 год.
Па выніках пяцігодкі пераможцамі прызнаны Брэсцкая, Мінская і Магілёўская вобласці. Па выніках 2025 года на дошку гонару занесены Брэсцкая і Мінская вобласці, а таксама Мінск. Сярод раёнаў вызначыліся Жабінкаўскі і Камянецкі раёны Брэсцкай вобласці, Нясвіжскі і Салігорскі раёны Мінскай вобласці, Горацкі раён Магілёўскай вобласці. Сярод гарадоў і раёнаў у гарадах — Брэст, Маскоўскі і Першамайскі раёны Мінска.
Акрамя таго, па выніках 2025 года вызначаны 53 пераможцы сярод арганізацый, якія працуюць у прамысловасці, будаўніцтве, сельскай, рыбнай і лясной гаспадарках і сферы паслуг.
Адкрыццё абноўленай Рэспубліканскай дошкі гонару адбудзецца напярэдадні Свята працы, паведамілі ў прэс-службе Лукашэнкі.
