Прэзідэнт ЗША Дональд Трамп заявіў аб часовым прыпыненні абвешчанага ім з панядзелка праекта “Свабода”, які прадугледжвае правод суднаў праз Армузскі праліў пры падтрымцы амерыканскага флоту.
“У сувязі з просьбай Пакістана і іншых краін, велізарнымі ваеннымі поспехамі, дасягнутымі намі ў ходзе кампаніі супраць Ірана, а таксама значным прагрэсам у дасягненні поўнага і канчатковага пагаднення з прадстаўнікамі Ірана, мы ўзаемна дамовіліся, што, пакуль блакада будзе заставацца ў сіле, праект «Свабода» (рух суднаў праз Армузскі праліў) будзе прыпынены на кароткі перыяд часу, каб высветліць, ці ўдасца завяршыць і падпісаць пагадненне”, – напісаў Трамп у сетцы Truth Social.
Нагадаем, амерыканскія караблі з панядзелка суправаджаюць гандлёвыя судны, якія затрымаліся ў Персідскім заліве, пры праходзе Армузскага праліва. Іранскі бок спрабаваў перашкодзіць амерыканскаму флоту. Былі атакаваны эсмінцы ЗША.
