Беларусь і Расія абмеркавалі меры, накіраваныя на захаванне стабільнай сітуацыі на рынку сельскагаспадарчай прадукцыі дзвюх краін. Як паведамілі ў прэс-службе ўрада, адбылася сустрэча на ўзроўні віцэ-прэм’ераў Юрыя Шулейкі і Дзмітрыя Патрушава.
Яна была прысвечана супрацоўніцтву ў сферы АПК. Адзначаецца, што для падтрымання стабільнасці на рынку краіны штогод зацвярджаюць прагнозныя балансы попыту і прапановы па шэрагу сельскагаспадарчых тавараў.
У апараце Патрушава таксама паведамілі, што па папярэдніх ацэнках у мінулым годзе тавараабарот прадукцыі аграпрамысловага комплексу паміж дзвюма краінамі павялічыўся амаль на чвэрць.
🔥 Падтрымайце Reform.news данатам!