Віцэ-прэм’ер расійскага ўрада Аляксандр Новак заявіў, што рынак паліва ў краіне паступова стабілізуецца.
«Мы бачым, што гэтыя меры прыносяць свае вынікі, і рынак ужо часткова стабілізуецца, у многіх рэгіёнах здымаюцца абмежаванні, і гэта відаць па колькасці працуючых заправачных станцый, па скарачэнні чэргаў», — сказаў ён.
Нагадаем, у чэрвені і на пачатку ліпеня УСУ правялі шэраг паспяховых атак на расійскія НПЗ. Былі выведзеныя са строю многія магутнасці. Паводле даных СМІ, перапрацоўка нафты ў РФ магла скараціцца на траціну. Каб аднавіць прапанову паліва, урад Расіі абмежаваў яго экспарт, панізіў патрабаванні да якасці бензіну, таксама былі адкладзеныя планавыя рамонты на шэрагу НПЗ ва ўсходняй частцы краіны.
🔥 Падтрымайце Reform.news данатам!
