Савет міністраў пастановай №79 ад 29 снежня зацвердзіў дзяржаўны заказ на лом чорных і каляровых металаў у 2026 годзе. Дакумент сёння афіцыйна апублікаваны на Нацыянальным прававым інтэрнэт-партале.
Дзяржзаказчыкам па зборы металалому вызначана аб’яднанне «Белвтормет».
У 2026 годзе плануецца сабраць 1,189 млн т адходаў чорных металаў і 21,3 тыс. т лому каляровых металаў. Дзяржзаказ на наступны год зменшаны па ломе чорных металаў на 70 тыс. т, а па каляровых пакінуты без змяненняў.
Мінпраму даручана сабраць 481,05 тыс. т металалому, «Белкаапсаюзу» — 300 тыс. т.
У пастанове таксама прапісаны долі паставак па кварталах. У першым квартале павінна быць пастаўлена 20% ад заказу, у другім — 30%, у трэцім і чацвёртым — па 25%.
🔥 Падтрымайце Reform.news данатам!