Міністр замежных спраў Беларусі Максім Рыжанкоў 16–18 ліпеня здзейсніць афіцыйны візіт у Мазамбік, піша БелТА.
Як паведамілі ў прэс-службе МЗС, у рамках візіту запланаваны перамовы на найвышэйшым узроўні, сустрэчы ў профільных міністэрствах і кантакты з прадстаўнікамі бізнесу.
Нагадаем, 10 ліпеня Рыжанкоў сустрэўся з выканаўчым каардынатарам Цэнтральнага офіса па рэформах і стратэгічных праектах пры прэзідэнце Мазамбіка Жаау Ошвалду Машаціні. Бакі абмеркавалі нарошчванне эканамічнага супрацоўніцтва паміж краінамі, рэалізацыю праектаў у галіне сельскай гаспадаркі Мазамбіка і харчовай бяспекі.
На сустрэчы была дасягнута дамоўленасць аб прапрацоўцы сумесных праектаў па выкарыстанні партоў Мазамбіка для вываду беларускай прадукцыі на рынкі краін Паўднёвай Афрыкі.
У чэрвені Аляксандр Лукашэнка заяўляў пра гатоўнасць прапанаваць Мазамбіку супрацоўніцтва ў сферах механізацыі сельскай гаспадаркі, стварэння харчовай бяспекі, прамысловасці, адукацыі і іншых галінах з улікам паспяховага досведу рэалізацыі праектаў з афрыканскімі партнёрамі.
