Дзяржаўны мытны камітэт адчытаўся аб выніках кантролю рэйсавых аўтобусаў, якія курсіруюць паміж Беларуссю і Літвой.
Двое пасажыраў мелі праблемы з-за багажу. Як расказалі ў ГТК, у абодвух выпадках ішла гаворка пра перавышэнне дапушчальных парогаў бязмытнага ўвозу тавараў. Цяпер яны складаюць да 500 еўра і не больш за 25 кг.
У адным выпадку грамадзянін Беларусі перавозіў без дэкларавання 35 адзінак адзення коштам звыш 9 тыс. рублёў. У другім выяўлены ўвоз 27 адзінак адзення і абутку коштам каля 7 тыс. рублёў. У абодвух выпадках пасажыры не задэкларавалі тавары пры ўездзе.
Парушальнікі прыцягнутыя да адміністрацыйнай адказнасці.
🔥 Падтрымайце Reform.news данатам!