Міністэрства фінансаў з 24 красавіка спыніла дзеянне ліцэнзіі на страхавую дзейнасць СТАА «Асоба».
“Рашэнне прынята ў сувязі з заканчэннем тэрмінаў, адведзеных для выканання страхоўшчыкам патрабавання рэгулятара па забеспячэнні захавання ўстаноўленага парадку ажыццяўлення інвестыцый шляхам укладання сродкаў страхавых рэзерваў і іх размяшчэння”, — гаворыцца ў паведамленні міністэрства.
Абавязацельствы “Асобы” па дагаворах страхавання будуць перададзены “Белдзяржстраху”. Да перадачы абавязацельстваў кампанія абавязаная ажыццяўляць усе дзеянні, звязаныя з урэгуляваннем страхавых выпадкаў, у тым ліку прымаць заявы аб страхавых выпадках, вызначаць памер прычыненай шкоды, ажыццяўляць страхавыя выплаты.
🔥 Падтрымайце Reform.news данатам!