Літоўскія памежнікі адрапартавалі аб затрыманні групы з 12 мігрантаў на мяжы з Беларуссю.
Яны спрабавалі скарыстацца раёнам Чапкеляйскага запаведніка, дзе ў балоцістай мясцовасці адсутнічае памежная агароджа.
Замежнікі пры гэтым трапілі на камеры відэаназірання. Накіраваныя ў раён патрулі затрымалі 12 чалавек.
“Ні ў аднаго з мігрантаў не было дакументаў, і яны прадстаўляліся грамадзянамі Бурундзі. Прыбылыя былі добра падрыхтаваныя да ўмоў на адкрытым паветры — у іх былі спальныя мяшкі, цёплае адзенне і дажджавікі, шмат ежы, вады і іншых рэчаў. Большасць з іх сцвярджалі, што з’яўляюцца студэнтамі, якія навучаюцца ў Расіі, і называлі Германію і Бельгію ў якасці краін прызначэння для свайго нелегальнага падарожжа”, — гаворыцца ў паведамленні.
Усю групу выдварылі ў Беларусь.
