Віцэ-прэм’ер Віктар Каранкевіч знаходзіцца з візітам у Інданезіі. Як паведамілі ў прэс-службе ўрада, ён сустрэўся з міністрам гандлю краіны Будзі Сантоса.
“У ходзе перамоў абмяркоўваліся пытанні паглыблення двухбаковага гандлёва-эканамічнага супрацоўніцтва, развіцця сумесных інвестыцыйных праектаў, а таксама ўдасканалення механізмаў гандлю.
Бакі пацвердзілі прыхільнасць далейшаму ўмацаванню партнёрства, павелічэнню тавараабароту і рэалізацыі сумесных ініцыятыў у прамысловай, сельскагаспадарчай сферах”, — распавялі ў прэс-службе ўрада.
Трэба адзначыць, што візіт Каранкевіча адбыўся неўзабаве пасля таго, як Інданезію ў пачатку месяца наведаў Дзмітрый Лукашэнка.
🔥 Падтрымайце Reform.news данатам!
