Учора кіраўніца “Вольнага хору” Галіна Казіміроўская звярнулася па дапамогу ў сувязі з цяжкай хваробай – музыка захварэла на анкалогію. Ужо сёння беларусы сабралі патрэбную суму на “Байсоле”.
Зараз Галіна праходзіць цяжкія курсы хіміятэрапіі, наперадзе — аперацыя і радыётэрапія.
Хвароба пазбавіла Галіну магчымасці выкладаць. Сям’і з двума непаўналетнімі дзецьмі няма чым плаціць за арэнду кватэры і ежу.
Таксічнасць хіміі патрабуе дарагіх прэпаратаў для падтрымкі печані і іншых органаў, а таксама моцных абязбольвальных.
«Кожны курс хіміятэрапіі – гэта знясільваючая бітва. На кожнае аднаўленне сыходзіць некалькі дзён, і толькі ты прыходзіш у сябе, як новая доза моцных прэпаратаў пазбаўляе цябе сіл».
Галіне патрэбна была сума ў €8500, каб аплаціць арэнду жытла на 6 месяцаў, прадукты і лекі. На дадзены момант сабрана €9665.
Падтрымаць тут.
Падпісвайцеся на культурныя навіны Reform.news у Telegram
