Францыя накіравала авіяносную групу ў Чырвонае мора. Авіяносец “Шарль дэ Голь” у суправаджэнні італьянскіх і нідэрландскіх караблёў павінен прыбыць у паўднёвую частку Чырвонага мора.
Асноўная мэта місіі — ацаніць рэгіянальную аператыўную абстаноўку, пашырыць магчымасці кіравання крызісамі для ўмацавання бяспекі і дапамагчы супакоіць удзельнікаў марскога гандлю.
«Прычына, па якой мы павінны сёння прыкласці новыя намаганні, заключаецца ў тым, што блакада Армузскага праліва працягваецца, шкода сусветнай эканоміцы, адпаведна, становіцца ўсё больш значнай, і рызыка працягу баявых дзеянняў занадта сур’ёзная, каб мы маглі яе прыняць», — пракаментавалі ў адміністрацыі прэзідэнта Францыі, перадае Reuters.
Францыя выступае за тое, каб Іран і ЗША знялі блакаду ў Армузскім праліве і абмяняліся абавязацельствамі весці перамовы па ядзернай і ракетнай праграме.
