Ва Уздзенскім раёне дзве школьніцы 2013 і 2014 гадоў нараджэння прабраліся ў чужы дачны дом і ўчынілі падпал.
Паведамленне аб пажары ў садоўніцкім таварыстве «Верас-Калібр» каля вёскі Трысцянец паступіла каля 21:00 у панядзелак, 20 красавіка. Гарэў дом, не падключаны да электрасеткі. Пажар патушылі.
Следча-аператыўная група, якая працавала на месцы здарэння, прыйшла да высновы, што прычынай пажару стаў падпал.
Устаноўлена, што каля 16 гадзін дзве дзяўчыны-падлеткі ўзламалі дзверы дома пры дапамозе сякеры і сталі падпальваць рэчы ў доме паперай і запальнічкай. «Нагуляўшыся», школьніцы пайшлі з дома, а потым заўважылі дым і агонь, паведамляе zorkanews.by.
Агонь часткова знішчыў дом і маёмасць, якая знаходзілася ў ім. Матэрыялы справы перададзены ў міліцыю.