Урад Беларусі ў чацвер вызваліў 250 палітвязняў у межах пагаднення з ЗША: 235 чалавек былі вызвалены ўнутры краіны, яшчэ 15 накіраваны ў Літву, паведамілі ў пасольстве ЗША ў Вільнюсе, перадае Reuters.
Тым часам Вашынгтон пагадзіўся на змякчэнне санкцый у дачыненні да фінансавага сектара Беларусі, уключаючы Белінвестбанк, а таксама зняў усе астатнія санкцыі ЗША з калійных кампаній «Беларуськалій», Беларуская калійная кампанія і «Аграразквіт».
Пагадненне было дасягнута на фоне сустрэчы ў чацвер спецпасланніка ЗША Джона Коўла з Аляксандрам Лукашэнкам у Мінску.
Як заявіла прэс-служба Лукашэнкі, 250 асуджаных “за злачынствы экстрэмісцкай накіраванасці” былі памілаваныя “на падставе прынцыпу гуманізму”.
«У першую чаргу традыцыйна кіраўнік дзяржавы кіраваўся прынцыпам гуманізму. І, вядома ж, улічваў звароты, якія паступілі ад маці, жонак і блізкіх асуджаных. Таксама неабходна падкрэсліць: усе звароты да ўнясення Прэзідэнту былі падрабязна разгледжаны адпаведнай Камісіяй пад кіраўніцтвам Генеральнага пракурора. Пры прыняцці рашэння кіраўнік дзяржавы ўлічваў і меркаванне членаў гэтай камісіі. У выніку прынята рашэнне аб памілаванні 250 асоб. Усім ім дзяржава прадастаўляе права на новую старонку ў жыцці», – гаворыцца ў паведамленні.
Паводле інфармацыі Reform.news, у Літву вывезены 15 чалавек:
- Katsiaryna Bakhvalava (Andreyeva)
- Kiryl Kazei
- Aliaksandr Kozlyanko (Kazlianka)
- Dzmitry Kubarev (Kubarau)
- Mikalai Kuleshov (Kuliashou)
- Anastasiya (Nasta) Loika
- Siarhei Movshuk (Maushuk)
- Aliaksei Melnikov (Melnikau)
- Eduard Palchys
- Maria (Marfa) Rabkova
- Kim Samusenko (Samusenka)
- Pavel Shpetny
- Valiantsin Stefanovic
- Dzianis Zhelezko (Zhaliazko)
- Mikita Zolotarev (Zalatarou)
