Рыцарскі фэст у Мсціславе ў 19-ты раз сабраў рэканструктараў, рамеснікаў, музычныя гурты і турыстаў.
Сёлета арганізатары зрабілі акцэнт на мастацтве вулічных паказаў.
Галоўныя падзеі традыцыйна адбываліся на Замкавай гары: відовішчныя поўнакантактныя рыцарскія турніры на мячах і дзідах, бітвы з удзелам дзясяткаў цяжкаўзброеных воінаў, штурм замка з ужываннем аблогавай тэхнікі і конныя выступы.
Таксама працаваў горад майстроў з рамесніцкімі майстар-класамі і выступамі сярэдневяковых музыкаў.
Увечары – этнарок, вогненнае шоу на Замкавай гары і начная дыскатэка да раніцы ў раённым Доме культуры. Хэдлайнерам фестывалю стаў рок-гурт Plemя з Мінска.
Фестываль сярэдневяковай культуры «Рыцарскі фэст» упершыню быў арганізаваны ў Мсціславе ў 2007 годзе.
Падпісвайцеся на культурныя навіны Reform.by у Telegram
