Дэфіцыт знешняга гандлю таварамі скараціўся ў першым квартале. На гэта ўказваюць дадзеныя Белстата. Зніжэнне дэфіцыту забяспечылі апераджальныя тэмпы росту экспарту над імпартам у сакавіку.
Па выніках студзеня-сакавіка, беларускі экспарт вырас на 20,3% да 11 млрд долараў, імпарт пры гэтым павялічыўся на 14,6% да 12,42 млрд долараў. Дэфіцыт знешняга гандлю склаў 1,4 млрд долараў, што на 16,4% менш, чым за аналагічны перыяд мінулага года.
Экспарт тавараў у краіны СНД за тры месяцы вырас на 21,5% да 7,88 млрд долараў. Імпарт з краін Садружнасці павялічыўся на 15,6% да 3,2 млрд долараў. Прафіцыт гандлю таварамі з краінамі СНД у першым квартале склаў 585,6 млн долараў, што ў 3,3 раза больш, чым год таму.
У гандлі з краінамі па-за СНД беларускі экспарт тавараў вырас на 17,6% да 3,12 млрд долараў, а імпарт – на 13,3% да 5,12 млрд долараў. Дэфіцыт знешняга гандлю з краінамі па-за СНД склаў 2 млрд долараў, што на 7,1% больш, чым год таму.
У сакавіку экспарт тавараў з Беларусі вырас на 26,7% да 4,31 млрд долараў. Імпарт пры гэтым павялічыўся на 18,8% да 4,8 млрд долараў. Дэфіцыт гандлю таварамі ў сакавіку склаў 493,3 млрд долараў, што на 23% менш, чым у мінулым годзе.
У гандлі з краінамі СНД беларускі экспарт вырас на 21,7% да 3 млрд долараў, а імпарт – на 14,5% да 2,74 млрд долараў. Прафіцыт у гандлі з краінамі Садружнасці склаў 250,5 млн долараў, што ў 3,8 раза больш, чым год таму.
У гандлі з краінамі па-за СНД беларускі экспарт у сакавіку падскочыў на 39,9% да 1,3 млрд долараў, а імпарт павялічыўся на 25,1% да 2,06 млрд долараў. Дэфіцыт гандлю таварамі з краінамі па-за СНД за сакавік склаў 743,8 млн долараў, што на 5,3% больш, чым год таму.
