Сёння ноччу ратавальнікі завяршылі ліквідацыю буйнога пажару, які ўспыхнуў у цэнтры Мінска.
На вуліцы Леніна, 9 учора ўвечары загарэліся дах і гарышчнае памяшканне. Барацьба з агнём працягвалася некалькі гадзін. На піку плошча пажару перавышала 1000 кв. м. Гарэлі кроквенныя канструкцыі ў гарышчным памяшканні.
Каля 22:45 у МНС паведамілі, што пажар быў лакалізаваны. Да трэцяй гадзіны ночы яго ліквідавалі. У тушэнні пажару былі задзейнічаны 27 адзінак тэхнікі МНС.
На месцы здарэння працаваў крызісны штаб. Жыхароў дома часова рассялілі: частка з іх начавала ў сваякоў і знаёмых, частка скарысталася прапановай мясцовых уладаў і размясцілася ў інтэрнаце.
🔥 Падтрымайце Reform.news данатам!
