Беларускія вайскоўцы навялі пераправу праз Дняпро. Яна будзе выкарыстоўвацца на час рамонту моста, размешчанага непадалёк.
Як паведамілі ў прэс-службе Мінабароны, загад выканалі вайскоўцы 188-й гвардзейскай інжынернай брыгады.
“Часовы мост прызначаны для забеспячэння бесперапыннага руху спецыяльнай тэхнікі на перыяд рэканструкцыі асноўнага моста. Дзякуючы гэтаму будзе арганізавана аператыўная перавозка будаўнічых матэрыялаў і абсталявання паміж берагамі, што дазволіць паскорыць выкананне рамонтных работ”, — гаворыцца ў паведамленні.
Даўжыня пераправы — больш за 60 метраў, грузападымальнасць — да 60 тон.
🔥 Падтрымайце Reform.news данатам!
