Беларускія мытнікі спынілі ўвоз тавараў на 550 тысяч рублёў з Расіі

Гомельскія мытнікі затрымалі камерцыйную партыю замежных тавараў, якія беларускі перавозчык вёз з Расіі.

Грузавы аўтамабіль спынілі каля беларуска-расійскай мяжы. Унутры знаходзілася 12,5 тысячы адзінак розных тавараў коштам больш за 550 тысяч рублёў. Вадзіцель не змог прад’явіць дакументы на груз, паведамляе ДМК.

Пачаты адміністрацыйны працэс у адпаведнасці з артыкулам 13.12 КаАП. Перавозчыку пагражае штраф да 280 тысяч рублёў.